Rubavu:Nihenshi cyane hagufasha gusoza umwaka wishimye- Meya Kambogo

Umuyobozi w’akarere ka Rubavu, Kambogo Ildephonse yatangaje ko mu rwego rwo gusoza umwaka wa 2022 hateganyijwe ibitaramo byinshi bizafasha abanyarwanda gususuruka akomoza n’ahantu nyaburanga hafasha abagenderera Rubavu kunezerwa.

Mugihe abantu bakomeje kwibaza aho basusurukira muri izi mpera z’umwaka umuyobozi w’akarere ka Rubavu yavuze ko muri Rubavu hateganyijwe  ibitaromo bikomeye harimo ikizaba kuri tariki ya 30 ukuboza 2022 kizabera kuri stade Umuganda ndetse n’ibindi byateguwe n’amahoteli atandukanye.

Ati “nibyo koko abantu bakeneye aho baruhukira bizihiza impera z’umwaka niyompamvu akarere ka Rubavu kiteguye kubaha ibyishimo binyuze mu bitaramo byateguwe haba ikizabera kuri tsade Umuganda ndetse n’ibindi byateguwe n’abantu batandukanye kugiti cyabo.”

Kambogo Ildephonse umuyobozi w'akarere ka Rubavu

Kambogo Ildephonse nanone yakomoje ku mutekano waka karere ka Rubavu mugihe abantu benshi batekereza ko intambara irikubera mu gihugu cya DRC irikugira ingaruka kumutekano waka karere avugako umutekano ari wose.

Ati “Abantu bakomeje kwibwira ko ibiri kubera mu gihugu cy’abaturanyi cya DRC birikugira ingaruka kumutekano wacu.ibyo sibyo kuko umutekano ni wose kandi muminsi ishize nagiranye ibiganiro n’umuyobozi w'umujyi wa Goma dusangira amakuru ubuzima burakomeza nk’ibisanzwe kandi akarere karagendwa amanywa n’ijoro.”

Stade Umuganda hamwe muhazabera ibitaramo

Murwego rwo kwizihiza impera z’umwaka hamenyerewe igikorwa cyo kurasa umwaka Kambogo Ildephonse yavuze ko no muri aka karere bizakorwa kandi bigakorerwa hafi y’ikiyaga cya Kivu ubusanzwe cyigaruriye imitima ya benshi.

 Yanditswe na EMMANUEL NDAYAMBAJE